Мәҗит Салихов Татар Икшермәсендә ифтар уздырды

2023 елның 12 апреле, чәршәмбе

2023 нче елның 9 апреле көнне Татарстан Республикасы Саба муниципаль районы Татар Икшермәсендә авыл халкы һәм кунаклары өчен ифтар уздырылды.

Әлеге чараның оештыручысы Саба якташлары президенты, Татарстан Республикасы төзелеш, архитектура һәм торак-коммуналь хуҗалык министры урынбасары Мәҗит Салихов.

Мөселманнар өчен иң мөһим һәм әһәмиятле ай - изге Рамазан дәвам итә. Рамазандагы постны үтәү - зур җаваплылык. Иң дулкынландыргыч вакыт-ифтар, көне буе эчүдән һәм ашаудан тыелып торганнан соң, мөселман, дога кылып, авыз ачуы. Кояш баегач, авыз ачкач, күмәкләшеп ахшам намазы укылды.

Мәҗлестә ТР баш казые Җәлил хәзрәт Фазлыев та катнашты.